Bugungi tahlikali kunlar nafaqat inson sabru qanoatini, balki vijdon va iymonini ham sinovdan o‘tkazayotganday. Bunday deyishimning sababi bor. O‘zi va oilasi, yaqinlari, xalqi salomatligini o‘ylagan, buning uchun qayg‘urmoqlikni fuqarolik burchi deb hisoblagan inson borki, ayni damda hukumatimiz, Prezidentimiz, sog‘liqni saqlash hamda boshqa tegishli tashkilotlar tomonidan belgilab qo‘yilayotgan qoida va tartiblarga qat’iy rioya qilmoqda. Ammo yurtdoshlarimiz orasida shunday kimsalar ham uchrab turibdiki, ularning xatti-harakatini ko‘rib, shunchalar ham aqlsizlik, bepisandlik, beparvolik, kaltao‘ylik bo‘ladimi, deb yuborasan beixtiyor.
Dunyo xaritasiga nazar soladigan bo‘lsak, bugungi kunning eng katta muammosi bo‘lib turgan koronavirus pandemiyasi etib bormagan hududni topish qiyin. Shu jihatdan qaraganda, bu virus butun jahon hamjamiyatini chuqur o‘ylashga va bu holatdan insoniyatni imkon qadar kam talafotlar bilan olib chiqishda kechiktirib bo‘lmaydigan choralar ko‘rishni taqozo etmoqda. Koronavirus pandemiyasi butun dunyo bo‘ylab o‘zining salbiy oqibatlarini ko‘rsatmoqdaki, bu nafaqat insonlarning sog‘lig‘i balki, butun dunyo iqtisodiyotiga ham o‘zining salbiy ta’sirini ko‘rsatmoqda.
Oliy Majlis Senatining Fan, ta’lim va sog‘liqni saqlash masalalari qo‘mitasi raisi o‘rinbosari Mahmudjon Parpiev va Xotin-qizlar va gender tenglik masalalari qo‘mitasi raisi o‘rinbosari Nosirbek Abdullaxonov Namangan viloyati hokimligida tashkil etilgan koronavirus infeksiyasining viloyat hududiga kirib kelishi va tarqalishining olish bo‘yicha tadbirlarni muvofiqlashtirish shtabi faoliyati bilan tanishishdi.
Koronavirus balosi dunyoni qalqitib yubordi. Bugun jahon hamjamiyati unga qarshi ayovsiz kurashmoqda. Yurtimizda joriy qilingan karantin – shu kurashlar ichida eng ma’quli.
Insoniyat shu kungacha juda ko‘p sinovlarni boshdan o‘tkazdi. Jumladan, xalqimiz ham. Mustamlakachilikning ilk yillaridagi qirg‘inlar, qatag‘on davri, ikkinchi jahon urushi va undan keyingi qiyinchiliklar, mustaqillikning ilk yillaridagi voqealar – bari-barchasini mardonavorlik, oqillik bilan engib o‘tdi. Bugun dunyo ahlini besaranjom qilib qo‘ygan koronavirus infeksiyasi ham ana shunday sinovlardan biri. Biroq uning dahshati yuqoridagilar qadar emas. Ammo bugun odamlar orasida yo tushunib, yo tushunmay vahima qo‘zg‘otayotgan kimsalar ham o‘z yurtdoshlarimiz ekanini ko‘rib, uyalasan kishi. Infeksiya bilan bog‘liq yolg‘on va shov-shuvli xabarlarni to‘qib chiqarish, tarqatish bilan nimaga erishish mumkin? Shuni unutmaylikki, bunday xatti-harakatga nisbatan qonuniy va qat’iy choralar belgilandi va amalda qo‘llanilmoqda. Yo‘lovchi transportlarda, odamlar gavjum joylarda og‘zaki yoki telefon orqali suhbatlar, ijtimoiy tarmoqlar vositasidagi yozishmalarda hushyor bo‘laylik, o‘ylab ish tutaylik.
© 2011 - 2024, Namangan viloyati hokimligining rasmiy axborot portali. Sayt materiallaridan foydalanilganda www.namangan.uz manbasi ko'rsatilishi shart
